Lög GLS Íslandi

Grundvöllur og markmið
1. grein
a) Félagið heitir GLS Íslandi (GLS stendur fyrir Global Leadership Summit).
b) Tilgangur félagsins er að styrkja kristna leiðtoga í forystuhlutverki.
c) Tilgangi sínum hyggst félagið ná með ráðstefnum, halda úti heimasíðu, útgáfu og sölu bóka, mynddiska og annars fræðsluefnis.
d) GLS Íslandi eru þverkirkjuleg samtök.

Stofnfélagar
2. grein
Stofnfélagar eru allir þeir sem hafa skráð sig í félagið fyrir 31. desember 2009.

Félagsaðild
3.grein
Hver sem vinna að markmiðum félagsins má gerast meðlimur þess.

Stjórn
4. grein
Stjórn félagsins skal skipuð fimm félagsmönnum þ.e. formanni, gjaldkera og þremur meðstjórnendum. Stjórnarmenn skulu kosnir til eins árs í senn. Formaður boðar stjórnarmenn á stjórnarfundi þegar þurfa þykir.
Daglega umsjón félagsins annast formaður í samstarfi við aðra stjórnarmenn.
Firmaritun félagsins er í höndum formanns og gjaldkera.

Aðalfundir
5. grein
Starfstímabil félagsin er almanaksárið.
Aðalfundur skal haldinn fyrir maílok ár hvert. Á aðalfundi félagsins skal stjórn gera upp árangur liðins ár, kjósa stjórn félagsins og skoðunarmenn. Aðeins félagsmenn mega greiða atkvæði á aðalfundi.

Lagabreytingar
6. grein
Lögum þessum má aðeins breyta á aðalfundi. Tillögur til lagabreytinga öðlast því aðeins gildi að 2/3 hlutar greiddra atkvæða séu þeim fylgjandi.

Fjármögnun félagsins
7. grein
Félagið er fjármagnað með félagsaðild, styrkjum, auk hagnaðar af ráðstefnum og sölu fræðsluefnis.

Meðferð rekstrarhagnaðar
8. grein
Rekstrarafgangi af starfsemi félagsins skal varið til eflingar starfsemi þess.

Höfuðstöðvar og varnarþing

9. grein
Höfuðvstöðvar félagsins eru í Blönduhlíð 26, 105 Reykjavík og varnarþing er í Reykjavík.

Slit félagsins
10. grein
Ákvörðun um að leggja niður félagið skal tekin á aðalfundi með 3/4 hlutum atkvæða og skal sá fundur taka ákvörðun um það hvernig eignum félagsins skal ráðstafað en það skal vera til skyldrar starfsemi.

Lög þessi vorum samþykkt á stofnfundi félagsins 28. maí 2009 og öðlast þegar gildi.